श्री. दिलीप बी. राजूरकर साहेब…२८ वर्षांची निष्ठावान सेवा – कर्तव्यनिष्ठेचा उज्ज्वल प्रवास

 

🌸 गौरवपत्र  🌸

लेखन- सुनिलदत्त कुलकर्णी जेजुरी

आदरणीय प्रमुख पाहुणे, मान्यवर, सहकारी बांधव आणि आजच्या या सोहळ्याचे केंद्रबिंदू – आदरणीय श्री. दिलीप बी. राजूरकर साहेब…

वीज ही केवळ ऊर्जेची साधनं नाहीत, ती विकासाचा श्वास आहे. या श्वासाला सातत्याने स्पंदन देणाऱ्या मोजक्या व्यक्तिमत्त्वांमध्ये राजूरकर साहेबांचं नाव अग्रस्थानी आहे.

२८ वर्षांचा अखंड सेवायज्ञ – कनिष्ठ अभियंत्यापासून कार्यकारी अभियंता पदापर्यंतची उंच भरारी, ग्रामीण विजेची सेवा, चाचणी विभागातील १५ वर्षांची कार्यनिष्ठा, आणि शेवटची ४०० के.व्ही. कुंभारगाव उपकेंद्र प्रमुख म्हणून  जबाबदारी – या प्रवासातील प्रत्येक टप्पा हे समर्पण आणि प्रामाणिकतेचं तेजस्वी उदाहरण आहे.

५०० MVA ICT सारख्या महत्त्वाच्या प्रकल्पांची अंमलबजावणी, महत्त्वाच्या उपकेंद्रांची चाचणी, आणि ग्राहकसेवेला केंद्रस्थानी ठेवलेली कार्यशैली – या सर्वांनी आपली वेगळी ओळख निर्माण केली.

कर्तव्यदक्षता, शिस्तप्रियता, सौजन्यशीलता आणि Ownership – हे आपल्या कामाचे मूल्य आज आमच्यासाठी प्रेरणा ठरत आहेत.

साहेब, आपण सेवानिवृत्त होत आहात, पण आपल्या कार्याचा प्रकाश आणि योगदानाची ऊर्जा आमच्यात कायम राहील.

आपल्या पुढील जीवनप्रवासासाठी आरोग्य, समाधान आणि कुटुंबसुखाच्या मंगलकामना!